the daman-e-hayat pe ek dagh ham, gae

the dāman-e-hayāt pe ik daaġh ham, ga.e

lekin ye kyā huā tirī zulfoñ ke ḳham ga.e

ik ehtijāj se haiñ ibārat hayāt-o-maut

rote hue jo aa.e to bā-chashm-e-nam ga.e

tai kar sakā na vus.at-e-dasht-e-vafā koī

da.ave jinheñ bahut the qadam-do-qadam ga.e

kuchh der khelte rahe mauj-e-balā se ham

kuchh duur saath saath vajūd-o-adam ga.e

Thahre hue haiñ barg-e-ḳhizāñ-dīda kī tarah

sankī havā zarā bhī to samjho ki ham ga.e

ye mājrā hai kyā ki zamīñ Dolne lagī

ye kyā huā ki chalte hue log tham ga.e

the daman-e-hayat pe ek dagh ham, gae

lekin ye kya hua teri zulfon ke KHam gae

ek ehtijaj se hain ibarat hayat-o-maut

rote hue jo aae to ba-chashm-e-nam gae

tai kar saka na wusat-e-dasht-e-wafa koi

dawe jinhen bahut the qadam-do-qadam gae

kuchh der khelte rahe mauj-e-bala se hum

kuchh dur sath sath wajud-o-adam gae

Thahre hue hain barg-e-KHizan-dida ki tarah

sanki hawa zara bhi to samjho ki hum gae

ye majra hai kya ki zamin Dolne lagi

ye kya hua ki chalte hue log tham gae