tera bimar achchha ho raha hai

tirā bīmār achchhā ho rahā hai

ye pahlī baar aisā ho rahā hai

achānak dil jo paspā ho rahā hai

kahīñ se chhup ke hamla ho rahā hai

tirī tasvīr utārī jā rahī hai

tire paikar kā charba ho rahā hai

tire jaane se har shai meñ kamī hai

bas ik sadma ziyāda ho rahā hai

dil ashkoñ meñ kharal hogā abhī to

abhī to reza-reza ho rahā hai

ham aur faaqe ikaTThe haiñ abhī tak

abhī tak to guzārā ho rahā hai

chalo likh aa.eñ koī harf ham bhī

adab dīvār-e-kā’ba ho rahā hai

qadam aglī sadī meñ rakh rahe haiñ

safar pichhlī sadī kā ho rahā hai

utaar is jāma-e-hastī ko 'be-dil'

ye pairāhan purānā ho rahā hai

tera bimar achchha ho raha hai

ye pahli bar aisa ho raha hai

achanak dil jo paspa ho raha hai

kahin se chhup ke hamla ho raha hai

teri taswir utari ja rahi hai

tere paikar ka charba ho raha hai

tere jaane se har shai mein kami hai

bas ek sadma ziyaada ho raha hai

dil ashkon mein kharal hoga abhi to

abhi to reza-reza ho raha hai

hum aur faqe ikaTThe hain abhi tak

abhi tak to guzara ho raha hai

chalo likh aaen koi harf hum bhi

adab diwar-e-ka’ba ho raha hai

qadam agli sadi mein rakh rahe hain

safar pichhli sadi ka ho raha hai

utar is jama-e-hasti ko 'be-dil'

ye pairahan purana ho raha hai