tera husn hai wo sahba ki koi misal kya de
tirā husn hai vo sahbā ki koī misāl kyā de
kabhī tishnagī bujhā de kabhī tishnagī baḌhā de
ye jahāñ hai ik tamāsha koī dost hai na dushman
vahī aag raushnī de vahī āshiyāñ jalā de
ye tarīq-e-dilbarī hai ki adā-e-dil-navāzī
kisī jurm par navāze kisī jurm par sazā de
abhī zulmat-e-ḳhirad meñ hai vafā kī tābnākī
ye charāġh bujh na jaa.e koī is kī lau baḌhā de
ye qadam qadam pe zulmat ye ravish ravish añdhere
mirī be-ḳhudī kahāñ hai mujhe rāsta batā de
ye tasavvur-e-rihā.ī rahe kyuuñ nazar meñ 'gauhar'
mujhe qaid karne vaale mire bāl-o-par jalā de
tera husn hai wo sahba ki koi misal kya de
kabhi tishnagi bujha de kabhi tishnagi baDha de
ye jahan hai ek tamasha koi dost hai na dushman
wahi aag raushni de wahi aashiyan jala de
ye tariq-e-dilbari hai ki ada-e-dil-nawazi
kisi jurm par nawaze kisi jurm par saza de
abhi zulmat-e-KHirad mein hai wafa ki tabnaki
ye charagh bujh na jae koi is ki lau baDha de
ye qadam qadam pe zulmat ye rawish rawish andhere
meri be-KHudi kahan hai mujhe rasta bata de
ye tasawwur-e-rihai rahe kyun nazar mein 'gauhar'
mujhe qaid karne wale mere baal-o-par jala de
Source:
Idraaq (Pg. 77)
- Author: Gohar Usmani
-
- Edition: 1993
- Publisher: Gohar Usmani
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
