tere didar ke sare marahil se zara pahle

tire dīdār ke saare marāhil se zarā pahle

karūñgā mashvara bhī badr-e-kāmil se zarā pahle

samundar paar karne kī ḳhushī meñ is qadar kuudā

ki kashtī ho ga.ī ġharqāb sāhil se zarā pahle

lagī aḳhbār kī surḳhī jo kānoñ meñ to jaag uTThā

kisī sūrat lagī thī aañkh mushkil se zarā pahle

mujhe āġhosh meñ lene se pahle kāñptā dariyā

pukārā hotā tum ne kaash sāhil se zarā pahle

ġhalat andāza thā ḳhargosh kā kachhve ke baare meñ

pahuñchnā hai pahuñch jā.eñge kāhil se zarā pahle

savāl-e-haq-parastī par ye bole hazrat-e-vā.is

nipaTne dījiye mujh ko to jāhil se zarā pahle

yaqīñ paiham jo hotā 'nazr' us kī pāsbānī kā

na rukte aap ke phir paañv sāhil se zarā pahle

tere didar ke sare marahil se zara pahle

karunga mashwara bhi badr-e-kaamil se zara pahle

samundar par karne ki KHushi mein is qadar kuda

ki kashti ho gai gharqab sahil se zara pahle

lagi aKHbar ki surKHi jo kanon mein to jag uTTha

kisi surat lagi thi aankh mushkil se zara pahle

mujhe aaghosh mein lene se pahle kanpta dariya

pukara hota tum ne kash sahil se zara pahle

ghalat andaza tha KHargosh ka kachhwe ke bare mein

pahunchna hai pahunch jaenge kahil se zara pahle

sawal-e-haq-parasti par ye bole hazrat-e-wais

nipaTne dijiye mujh ko to jahil se zara pahle

yaqin paiham jo hota 'nazr' us ki pasbani ka

na rukte aap ke phir panw sahil se zara pahle