tere gale mein jo banhon ko Dal rakhte hain

Wasi Shah

tere gale mein jo banhon ko Dal rakhte hain

Wasi Shah

MORE BYWasi Shah

    tire gale meñ jo bāñhoñ ko Daal rakhte haiñ

    tujhe manāne kaisā kamāl rakhte haiñ

    tujhe ḳhabar hai tujhe sochne ḳhātir ham

    bahut se kaam muqaddar pe Taal rakhte haiñ

    koī bhī faisla ham soch kar nahīñ karte

    tumhāre naam sikka uchhāl rakhte haiñ

    tumhāre ba.ad ye aadat ho ga.ī apnī

    bikharte sūkhte patte sambhāl rakhte haiñ

    ḳhushī miltī hai ḳhud ko aziyyateñ de kar

    so jān-būjh ke dil ko niDhāl rakhte haiñ

    kabhī kabhī vo mujhe hañs ke dekh lete haiñ

    kabhī kabhī mirā behad ḳhayāl rakhte haiñ

    tumhāre hijr meñ ye haal ho gayā apnā

    kisī ḳhat ho use bhī sambhāl rakhte haiñ

    ḳhushī mile to tire ba.ad ḳhush nahīñ hote

    ham apnī aañkh meñ har-dam malāl rakhte haiñ

    zamāne-bhar se bachā kar vo apne āñchal meñ

    mire vajūd ke TukḌe sambhāl rakhte haiñ

    kuchh is liye bhī to behāl ho ga.e ham log

    tumhārī yaad behad ḳhayāl rakhte haiñ

    tere gale mein jo banhon ko Dal rakhte hain

    tujhe manane ka kaisa kamal rakhte hain

    tujhe KHabar hai tujhe sochne ki KHatir hum

    bahut se kaam muqaddar pe Tal rakhte hain

    koi bhi faisla hum soch kar nahin karte

    tumhaare nam ka sikka uchhaal rakhte hain

    tumhaare baad ye aadat si ho gai apni

    bikharte sukhte patte sambhaal rakhte hain

    KHushi si milti hai KHud ko aziyyaten de kar

    so jaan-bujh ke dil ko niDhaal rakhte hain

    kabhi kabhi wo mujhe hans ke dekh lete hain

    kabhi kabhi mera behad KHayal rakhte hain

    tumhaare hijr mein ye haal ho gaya apna

    kisi ka KHat ho use bhi sambhaal rakhte hain

    KHushi mile to tere baad KHush nahin hote

    hum apni aankh mein har-dam malal rakhte hain

    zamane-bhar se bacha kar wo apne aanchal mein

    mere wajud ke TukDe sambhaal rakhte hain

    kuchh is liye bhi to behaal ho gae hum log

    tumhaari yaad ka behad KHayal rakhte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now