tere maslak mein kya itna bhi samjhaya nahin jata

Nawaz Asimi

tere maslak mein kya itna bhi samjhaya nahin jata

Nawaz Asimi

MORE BYNawaz Asimi

    tire maslak meñ kyā itnā bhī samjhāyā nahīñ jaatā

    faqīroñ aur durveshoñ se Takrāyā nahīñ jaatā

    na.e jumle talāsho vāqa.ī gar tum muqarrar ho

    har ik taqrīr meñ jumloñ ko dohrāyā nahīñ jaatā

    tirī furqat meñ saare jism ko pathrā diyā maiñ ne

    faqat āñkheñ bachī haiñ in ko pathrāyā nahīñ jaatā

    apne ohda-e-munsif se munsif istifā de de

    agar haqdār haq tujh se dilvāyā nahīñ jaatā

    anal-haq kahne vaale aaj bhī maujūd haiñ lekin

    unheñ is daur meñ phāñsī pe laTkāyā nahīñ jaatā

    havā ho tez to dīvār-o-dar tharrāne lagte haiñ

    magar is ḳhauf se ghar chhoḌ ke jaayā nahīñ jaatā

    bahut se peḌ ādam-ḳhor-ḳhaslat vaale hote haiñ

    'navāz' har peḌ ke saaye meñ sustāyā nahīñ jaatā

    tere maslak mein kya itna bhi samjhaya nahin jata

    faqiron aur durweshon se Takraya nahin jata

    nae jumle talasho waqai gar tum muqarrar ho

    har ek taqrir mein jumlon ko dohraya nahin jata

    teri furqat mein sare jism ko pathra diya main ne

    faqat aankhen bachi hain in ko pathraya nahin jata

    tu apne ohda-e-munsif se munsif istifa de de

    agar haqdar ka haq tujh se dilwaya nahin jata

    anal-haq kahne wale aaj bhi maujud hain lekin

    unhen is daur mein phansi pe laTkaya nahin jata

    hawa ho tez to diwar-o-dar tharrane lagte hain

    magar is KHauf se ghar chhoD ke jaya nahin jata

    bahut se peD aadam-KHor-KHaslat wale hote hain

    'nawaz' har peD ke saye mein sustaya nahin jata

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now