ترے سوا مری ہستی کوئی جہاں میں نہیں
ترے سوا مری ہستی کوئی جہاں میں نہیں
یہ راز فاش ہے ہاں سے نہیں میں ہاں میں نہیں
جو لا مکاں ہے مقید کسی مکاں میں نہیں
تعینات نشاں میں ہیں بے نشاں میں نہیں
صفات جلوہ گہ ذات ہے تجلی حسن
یہ جسم جلوہ گہ جاں ہے نور جاں میں نہیں
زبان حال سے ہے کیف بے خودی گویا
یہ وہ زمیں ہے کہ جس کا نشاں زماں میں نہیں
فروغ ہستیٔ مطلق ہے جلوۂ پندار
حجاب ہستیٔ موہوم درمیاں میں نہیں
نشاں یقیں کا دو عالم میں قلب ساکن ہے
قرار وہم میں آسودگی گماں میں نہیں
مری فسردہ دلی نے نئے کھلائے ہیں گل
نہیں کہ موسم گل موسم خزاں میں نہیں
میں ننگ دہلی ہوں ننگ سخنوراں ساحرؔ
اساتذہ کی زباں کیا کروں دہاں میں نہیں
مأخذ:
Deewan-e-Sahir( Kufr-e-Ishq) (Pg. ebook-132 page-79)
- مصنف: ساحر دہلوی
-
- اشاعت: 1937
- ناشر: امپیریل پرنٹنگ پریس، دہلی
- سن اشاعت: 1937
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
