aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tere waste jaan pe khelenge hum ye samai hai dil mein KHuda ki qasam

Agha Hajju Sharaf

tere waste jaan pe khelenge hum ye samai hai dil mein KHuda ki qasam

Agha Hajju Sharaf

MORE BYAgha Hajju Sharaf

    tire vāste jaan pe kheleñge ham ye samā.ī hai dil meñ ḳhudā qasam

    rah-e-'ishq se ab na haTeñge qadam hameñ apne sidq-o-safā qasam

    mire purze agarche uḌā.iyegā to gul-e-zaḳhm se mahkegī 'ishq

    khiñche teġh tirī to ragaḌ duuñ gulū mujhe tere jaur-o-jafā qasam

    mirā naam jo yaar hai pūchh rahā maiñ batā duuñ tujhe jo laqab hai mirā

    mujhe kahte haiñ kushta-e-nāz-o-adā tire ġhamza-e-hosh-rubā qasam

    lab-e-gor agarche judā.ī meñ huuñ magar ā.ina-e-dil safā.ī meñ huuñ

    tirā mahv ḳhudā ḳhudā.ī meñ huuñ mujhe apne 'ishq-o-vafā qasam

    kiye tum ne jo zulm vo maiñ ne sahe mirī āñkhoñ se barsoñ ashk bahe

    koī ġhamza-o-ishva ab uTh na rahe tumheñ apne nāz-o-adā qasam

    shab-e-hijr meñ aañkh jo band huī tirī zulf yaad do chand huī

    mirī saañs ulajh ke kamand huī mujhe terī zulf-e-dutā qasam

    tirī chaal se hashr bapā jo kiyā tire ḳhauf se haal mirī ye huā

    huī jaatī thī ruuh badan meñ fanā mujhe āmad-e-roz-e-jazā qasam

    mire hāthoñ meñ ḳhuun malo to zarā tumhīñ dekho to rañg dikhātā hai kyā

    karo aaj numūd-e-shahīd-e-adā tumheñ shoḳhī-e-rañg-e-hinā qasam

    kahā lailā ne hai mujhe qais ġham mire dil ko hai us ke junūñ alam

    nahīñ chain judā.ī meñ ab koī dam use vahshī-e-be-sar-o-pā qasam

    tirī bazm misl yaar nahīñ ki jināñ meñ ye naqsh-o-nigār nahīñ

    kahīñ tere chaman se bahār nahīñ mujhe bāġh-e-iram fazā qasam

    ġham-e-daulat-e-vasl meñ ho ke hazīñ rah-e-ishq-o-vafā meñ haiñ ḳhāk-nashīñ

    havas ab hameñ jāh-o-hasham nahīñ hameñ tere nashv-o-numā qasam

    ye du'ā hai qafas meñ barā-e-chaman ki guloñ se ḳhudā na chhuḌā.e chaman

    mujhe rakhtī hai zinda havā-e-chaman gul-o-ġhuncha-o-bād-e-sabā qasam

    tirā shefta huuñ mirī tujh meñ hai jaañ tah-e-teġh na kar mujhe jān-e-jahāñ

    mirā ġhusse meñ aa ke miTā na nishāñ tujhe jāh-o-jalāl-e-ḳhudā qasam

    ye havas hai ki dard-e-jigar meñ marūñ jo masīh bhī aa.e to dam na bharūñ

    kabhī tere sivā na ilaaj karūñ mujhe tere dast-e-shifā qasam

    sharaf us ne diye hameñ saikḌoñ dam rahe tīnat saaf se paak ham

    kahī baat agar to sach kahī kabhī jhuuT na bole ḳhudā qasam

    tere waste jaan pe khelenge hum ye samai hai dil mein KHuda ki qasam

    rah-e-'ishq se ab na haTenge qadam hamein apne hi sidq-o-safa ki qasam

    mere purze agarche uDaiyega to gul-e-zaKHm se mahkegi 'ishq ki bu

    khinche tegh teri to ragaD dun gulu mujhe tere hi jaur-o-jafa ki qasam

    mera nam jo yar hai puchh raha main bata dun tujhe jo laqab hai mera

    mujhe kahte hain kushta-e-naz-o-ada tere ghamza-e-hosh-ruba ki qasam

    lab-e-gor agarche judai mein hun magar aaina-e-dil ki safai mein hun

    tera mahw KHuda ki KHudai mein hun mujhe apne hi 'ishq-o-wafa ki qasam

    kiye tum ne jo zulm wo main ne sahe meri aankhon se barson hi ashk bahe

    koi ghamza-o-ishwa ab uTh na rahe tumhein apne hi naz-o-ada ki qasam

    shab-e-hijr mein aankh jo band hui teri zulf ki yaad do chand hui

    meri sans ulajh ke kamand hui mujhe teri hi zulf-e-duta ki qasam

    teri chaal se hashr bapa jo kiya tere KHauf se haal meri ye hua

    hui jati thi ruh badan mein fana mujhe aamad-e-roz-e-jaza ki qasam

    mere hathon mein KHun malo to zara tumhin dekho to rang dikhata hai kya

    karo aaj numud-e-shahid-e-ada tumhein shoKHi-e-rang-e-hina ki qasam

    kaha laila ne hai mujhe qais ka gham mere dil ko hai us ke junun ka alam

    nahin chain judai mein ab koi dam use wahshi-e-be-sar-o-pa ki qasam

    teri bazm ka misl hi yar nahin ki jinan mein ye naqsh-o-nigar nahin

    kahin tere chaman se bahaar nahin mujhe bagh-e-iram ki faza ki qasam

    gham-e-daulat-e-wasl mein ho ke hazin rah-e-ishq-o-wafa mein hain KHak-nashin

    hawas ab hamein jah-o-hasham ki nahin hamein tere hi nashw-o-numa ki qasam

    ye du'a hai qafas mein bara-e-chaman ki gulon se KHuda na chhuDae chaman

    mujhe rakhti hai zinda hawa-e-chaman gul-o-ghuncha-o-baad-e-saba ki qasam

    tera shefta hun meri tujh mein hai jaan tah-e-tegh na kar mujhe jaan-e-jahan

    mera ghusse mein aa ke miTa na nishan tujhe jah-o-jalal-e-KHuda ki qasam

    ye hawas hai ki dard-e-jigar mein marun jo masih bhi aae to dam na bharun

    kabhi tere siwa na ilaj karun mujhe tere hi dast-e-shifa ki qasam

    sharaf us ne diye hamein saikDon dam rahe tinat saf se pak hi hum

    kahi baat agar to sach hi kahi kabhi jhuT na bole KHuda ki qasam

    Source:

    Deewan-e-Sharf(Rekhta Website) (Pg. 153)

    • Author: Agha Hajju Sharaf
      • Publisher: Matba Jafari, Luckhnow
      • Year of Publication: 1875
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now