teri barbaadiyon ka zikr bazm-e-dil-bran tak hai

tirī barbādiyoñ kā zikr bazm-e-dil-brāñ tak hai

kahāñ kī baat hai ai dil magar pahuñchī kahāñ tak hai

tū kyā jaane mohabbat ke maze ai nāseh-e-nādāñ

pahuñch tirī nigāhoñ kī faqat sūd-o-ziyāñ tak hai

ham insāñ haiñ magar taḳhlīq-e-a.alā haiñ ki ai hamdam

hamāre auj kā charchā zamīñ se āsmāñ tak hai

mohabbat āzmātī hai mohabbat karne vāloñ ko

ye saḳhtī ai dil-e-betāb tujh par imtihāñ tak hai

jahāñ meñ vaise to jiite haiñ sab lekin jo sach pūchho

maza jiine kā duniyā meñ bahār-e-dostāñ tak hai

koī jab dost kahtā hai to sun letā huuñ ai 'āsī'

ki ab to dostī is ahd meñ husn-e-bayāñ tak hai

teri barbaadiyon ka zikr bazm-e-dil-bran tak hai

kahan ki baat hai ai dil magar pahunchi kahan tak hai

tu kya jaane mohabbat ke maze ai naseh-e-nadan

pahunch teri nigahon ki faqat sud-o-ziyan tak hai

hum insan hain magar taKHliq-e-ala hain ki ai hamdam

hamare auj ka charcha zamin se aasman tak hai

mohabbat aazmati hai mohabbat karne walon ko

ye saKHti ai dil-e-betab tujh par imtihan tak hai

jahan mein waise to jite hain sab lekin jo sach puchho

maza jine ka duniya mein bahaar-e-dostan tak hai

koi jab dost kahta hai to sun leta hun ai 'asi'

ki ab to dosti is ahd mein husn-e-bayan tak hai