teri nigah ka andaz kya nazar aaya
tirī nigāh kā andāz kyā nazar aayā
daraḳht se hameñ saaya judā nazar aayā
bahut qarīb se āvāz ek aa.ī thī
magar chale to baḌā fāsla nazar aayā
ye rāste kī lakīreñ bhī gum na ho jaa.eñ
vo jhāḌiyoñ kā nayā silsila nazar aayā
ye raushnī kī kiran hai ki aag kā sho.ala
har ek ghar mujhe jaltā huā nazar aayā
kalī kalī kī sadā gūñjne lagī dil meñ
jahāñ bhī koī chaman-āshnā nazar aayā
suno to kis liye patthar uThā.e phirte ho
kaho to ā.īna-ḳhāne meñ kyā nazar aayā
ye dopahar ye pighaltī huī saḌak 'bāqī'
har ek shaḳhs phisaltā huā nazar aayā
teri nigah ka andaz kya nazar aaya
daraKHt se hamein saya juda nazar aaya
bahut qarib se aawaz ek aai thi
magar chale to baDa fasla nazar aaya
ye raste ki lakiren bhi gum na ho jaen
wo jhaDiyon ka naya silsila nazar aaya
ye raushni ki kiran hai ki aag ka shoala
har ek ghar mujhe jalta hua nazar aaya
kali kali ki sada gunjne lagi dil mein
jahan bhi koi chaman-ashna nazar aaya
suno to kis liye patthar uThae phirte ho
kaho to aaina-KHane mein kya nazar aaya
ye dopahar ye pighalti hui saDak 'baqi'
har ek shaKHs phisalta hua nazar aaya
Source:
Bar-e-Safar (Pg. 41)
- Author: Baqi Siddiqui
-
- Edition: 1969
- Publisher: Maktaba Urdu Daijest, Lahore
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
