teri taraf se dil ai jaan-e-jaan uTha na sake

tirī taraf se dil ai jān-e-jāñ uThā na sake

bahut za.iif the bār-e-garāñ uThā na sake

hazār baar bahār aa.ī lekin ai sayyād

nigāh ham taraf-e-bostāñ uThā na sake

asīr-e-zulf jo marte haiñ to vo kahte haiñ

zarā bhī sadma-e-qaid-e-girāñ uThā na sake

sunīñ jo yaar kī bāteñ ġhash aa gayā ham ko

ye nā-tavāñ the ki lutf-e-bayāñ uThā na sake

teri taraf se dil ai jaan-e-jaan uTha na sake

bahut zaif the bar-e-garan uTha na sake

hazar bar bahaar aai lekin ai sayyaad

nigah hum taraf-e-bostan uTha na sake

asir-e-zulf jo marte hain to wo kahte hain

zara bhi sadma-e-qaid-e-giran uTha na sake

sunin jo yar ki baaten ghash aa gaya hum ko

ye na-tawan the ki lutf-e-bayan uTha na sake