tum apne shikwe ki baaten na khod khod ke puchho

tum apne shikve kī bāteñ na khod khod ke pūchho

hazar karo mire dil se ki is meñ aag dabī hai

dilā ye dard-o-alam bhī to muġhtanim hai ki āḳhir

na girya-e-saharī hai na āh-e-nīm-shabī hai

nazar ba-naqs-e-gadāyāñ kamāl-e-be-adabī hai

ki ḳhār-e-ḳhushk ko bhī dāvā-e-chaman-nasabī hai

huā visāl se shauq-e-dil-e-harīs ziyāda

lab-e-qadah pe kaf-e-bāda josh-e-tishna-labī hai

ḳhushā vo dil ki sarāpā tilism-e-be-ḳhabarī ho

junūn o yaas o alam rizq-e-mudda.ā-talabī hai

chaman meñ kis ke ye barham hui hai bazm-e-tamāshā

ki barg barg-e-saman shīsha reza-e-halabī hai

imām-e-zāhir-o-bātin amīr-e-sūrat-o-ma.anī

'alī' valī asadullāh jānashīn-e-nabī hai

tum apne shikwe ki baaten na khod khod ke puchho

hazar karo mere dil se ki is mein aag dabi hai

dila ye dard-o-alam bhi to mughtanim hai ki aaKHir

na girya-e-sahari hai na aah-e-nim-shabi hai

nazar ba-naqs-e-gadayan kamal-e-be-adabi hai

ki KHar-e-KHushk ko bhi dawa-e-chaman-nasabi hai

hua visal se shauq-e-dil-e-haris ziyaada

lab-e-qadah pe kaf-e-baada josh-e-tishna-labi hai

KHusha wo dil ki sarapa tilism-e-be-KHabari ho

junun o yas o alam rizq-e-muddaa-talabi hai

chaman mein kis ke ye barham hui hai bazm-e-tamasha

ki barg barg-e-saman shisha reza-e-halabi hai

imam-e-zahir-o-baatin amir-e-surat-o-mani

'ali' wali asadullah jaanashin-e-nabi hai