tum harīm-e-nāz meñ baiThe ho begāne bane
justujū meñ ahl-e-dil phirte haiñ dīvāne bane
sab ko saaqī ne nahīñ baḳhshā dil-e-dard-āshnā
jitne ahl-e-zarf the utne hī paimāne bane
jalva-e-husn aur soz-e-ishq donoñ ek haiñ
sham.a kī lau thartharāne hī se parvāne bane
mauj-e-tūfāñ-ḳhez uTh kar chhīn le sāhil kī aas
nāḳhudā ke aate aate kyā ḳhudā jaane bane
dam-ba-ḳhud hai tere aage e'tibār-e-aql-o-hosh
hosh vaale jab baḌhe had se to dīvāne bane
dekh le zāhid mirī raushan-zamīrī kī numūd
ek ā.īne se kitne ā.ina-ḳhāne bane
ai 'figār' afsāna-e-dair-o-haram kā zikr kyā
is haqīqat ke na jaane kitne afsāne bane
tum harim-e-naz mein baiThe ho begane bane
justuju mein ahl-e-dil phirte hain diwane bane
sab ko saqi ne nahin baKHsha dil-e-dard-ashna
jitne ahl-e-zarf the utne hi paimane bane
jalwa-e-husn aur soz-e-ishq donon ek hain
shama ki lau thartharane hi se parwane bane
mauj-e-tufan-KHez uTh kar chhin le sahil ki aas
naKHuda ke aate aate kya KHuda jaane bane
dam-ba-KHud hai tere aage e'tibar-e-aql-o-hosh
hosh wale jab baDhe had se to diwane bane
dekh le zahid meri raushan-zamiri ki numud
ek aaine se kitne aaina-KHane bane
ai 'figar' afsana-e-dair-o-haram ka zikr kya
is haqiqat ke na jaane kitne afsane bane
Source:
Harf-o-nava (Pg. 119)
-
Author:
umesh bahadur sirivasto figaar unnavi
-
- Edition: 2001
- Publisher: Figaar Unnavi
- Year of Publication: 2001
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.