تم نے کیسی یہ کی ہے وفا زندگی

تم نے کیسی یہ کی ہے وفا زندگی

ہر کوئی مجھ سے ہے اب خفا زندگی

کوئی دشمن بھی دیتا نہیں اس طرح

جیسی تم نے مجھے دی سزا زندگی

مسکراہٹ تری کب سے دیکھی نہیں

دیکھ کر مجھ کو تو مسکرا زندگی

بات کر مجھ سے میری طرف دیکھ کر

بات کر اور مجھ کو ہنسا زندگی

ضبط ٹوٹا تو کچھ بھی بچے گا نہیں

ضبط میرا نہ یوں آزما زندگی

خاک تک چھان لی دنیا بھر کی مگر

تیرے جیسا نہ مجھ کو ملا زندگی

میں دغاباز تھا سو مجھے بھی رشاؔ

پھر دیا دوستوں نے دغا زندگی