tum shujaat ke kahan qisse sunane lag gae

tum shujā.at ke kahāñ qisse sunāne lag ga.e

jītne aa.e the jo duniyā Thikāne lag ga.e

uḌ rahī hai shahr ke saare galī kūchoñ meñ ḳhaak

jitne āshiq the vo sab khāne-kamāne lag ga.e

reñgtī kāreñ ubaltī bhiiḌ be-bas rāste

kal mujhe ghar tak pahuñchne meñ zamāne lag ga.e

us ne ham par ik mohabbat kī nazar kyā Daal dī

haath jaise ham ġharīboñ ke ḳhazāne lag ga.e

umr bhar karte rahe ham ek kūche kā tavāf

ek saa.e ke ta.āqub meñ zamāne lag ga.e

zindagī dene lagī parhez-gārī kā sabaq

ab to ham jaise bhī sabzī daal khāne lag ga.e

tum shujaat ke kahan qisse sunane lag gae

jitne aae the jo duniya Thikane lag gae

uD rahi hai shahr ke sare gali kuchon mein KHak

jitne aashiq the wo sab khane-kamane lag gae

rengti karen ubalti bhiD be-bas raste

kal mujhe ghar tak pahunchne mein zamane lag gae

us ne hum par ek mohabbat ki nazar kya Dal di

hath jaise hum gharibon ke KHazane lag gae

umr bhar karte rahe hum ek kuche ka tawaf

ek sae ke taaqub mein zamane lag gae

zindagi dene lagi parhez-gari ka sabaq

ab to hum jaise bhi sabzi dal khane lag gae