tumhaare hi ishaaron par chalenge

tumhāre hī ishāroñ par chaleñge

kaho to ham sitāroñ par chaleñge

ḳhudā ke naam par maiñ sach kahūñ to

jo aare duniyā-dāroñ par chaleñge

kabhī sochā nahīñ thā ham ne aisā

vabā ke din bahāroñ par chaleñge

agar tum saath chal paao to aao

magar dariyā ke dhāroñ par chaleñge

ruko to surḳh vaadī meñ rukeñ ham

chalo to lāla-zāroñ par chaleñge

magar ham dost hote the na pahle

to kyā ye tiir sāroñ par chaleñge

yahāñ alfāz kī vaq.at nahīñ hai

zamāne ab ishāroñ par chaleñge

bhañvar meñ ham the jin ke saath 'ārib'

vo kahte the kināroñ par chaleñge

tumhaare hi ishaaron par chalenge

kaho to hum sitaron par chalenge

KHuda ke nam par main sach kahun to

jo aare duniya-daron par chalenge

kabhi socha nahin tha hum ne aisa

waba ke din bahaaron par chalenge

agar tum sath chal pao to aao

magar dariya ke dhaaron par chalenge

ruko to surKH wadi mein ruken hum

chalo to lala-zaron par chalenge

magar hum dost hote the na pahle

to kya ye tir saron par chalenge

yahan alfaz ki waqat nahin hai

zamane ab ishaaron par chalenge

bhanwar mein hum the jin ke sath 'arib'

wo kahte the kinaron par chalenge