tumhaari nazren yun barq dil pe gira rahi hain

Haidar raza Koralvi

tumhaari nazren yun barq dil pe gira rahi hain

Haidar raza Koralvi

MORE BYHaidar raza Koralvi

    tumhārī nazreñ yuuñ barq dil pe girā rahī haiñ

    ki soī soī dhaḌkanoñ ko jagā rahī haiñ

    diyā mohabbat mere siine meñ jal rahā hai

    ye chāhateñ dil se tīrgī ko miTā rahī haiñ

    suno na aisī nashīlī nazroñ se mujh ko dekho

    tumhārī nazreñ ye tiir ham pe chalā rahī haiñ

    haqīqatan ab to apnī bāñhoñ ko do ijāzat

    ki ye tasavvur meñ mujh ko siine lagā rahī haiñ

    chalo chaleñ mil ke ham mohabbat ke giit gaa.eñ

    suhāne mausam ye fazā.eñ bhī rahī haiñ

    qarīb aao tumhāre hoñToñ ko chuum luuñ maiñ

    ye dūriyāñ ab to be-qarārī baḌhā rahī haiñ

    laboñ ko jumbish zarā kar do ki aaj 'haidar'

    taḌap rahā hai ye us āñkheñ batā rahī haiñ

    tumhaari nazren yun barq dil pe gira rahi hain

    ki soi soi si dhaDkanon ko jaga rahi hain

    diya mohabbat ka mere sine mein jal raha hai

    ye chahaten dil se tirgi ko miTa rahi hain

    suno na aisi nashili nazron se mujh ko dekho

    tumhaari nazren ye tir hum pe chala rahi hain

    haqiqatan ab to apni banhon ko do ijazat

    ki ye tasawwur mein mujh ko sine laga rahi hain

    chalo chalen mil ke hum mohabbat ke git gaen

    suhane mausam ki ye fazaen bhi ga rahi hain

    qarib aao tumhaare honTon ko chum lun main

    ye duriyan ab to be-qarari baDha rahi hain

    labon ko jumbish zara sa kar do ki aaj 'haidar'

    taDap raha hai ye us ki aankhen bata rahi hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now