tu apni zat ke zindan se gar rihai de
tū apnī zaat ke zindāñ se gar rihā.ī de
to mujh ko phir mire ham-zād kuchh dikhā.ī de
bas ek ghar ho ḳhudā.ī meñ kā.enāt mirī
mire ḳhudā mujhe itnī baḌī ḳhudā.ī de
maiñ us ko bhūlnā chāhūñ to guuñj kī sūrat
vo mujh ko ruuh kī pātāl meñ dikhā.ī de
bujhā chukā hai zamāna charāġh sab lekin
ye merā ishq ki har rāsta dikhā.ī de
hamāre shahr ke saudāgaroñ kī mahfil meñ
vo ek shaḳhs ki sab se alag dikhā.ī de
use ġhurūr atā hai koī to ab aa.e
jo us ke dast meñ bhī kāsa-e-gadā.ī de
palaT bhī saktī huuñ 'īmāñ' fanā kī rāhoñ se
agar koī mujhe us naam kī dahā.ī de
tu apni zat ke zindan se gar rihai de
to mujh ko phir mere ham-zad kuchh dikhai de
bas ek ghar ho KHudai mein kaenat meri
mere KHuda mujhe itni baDi KHudai de
main us ko bhulna chahun to gunj ki surat
wo mujh ko ruh ki patal mein dikhai de
bujha chuka hai zamana charagh sab lekin
ye mera ishq ki har rasta dikhai de
hamare shahr ke saudagaron ki mahfil mein
wo ek shaKHs ki sab se alag dikhai de
use ghurur ata hai koi to ab aae
jo us ke dast mein bhi kasa-e-gadai de
palaT bhi sakti hun 'iman' fana ki rahon se
agar koi mujhe us nam ki dahai de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
