tu ne kya kya na ai zindagi dasht o dar mein phiraya mujhe

tū ne kyā kyā na ai zindagī dasht o dar meñ phirāyā mujhe

ab to apne dar-o-bām bhī jānte haiñ parāyā mujhe

aur bhī kuchh bhaḌakne lagā mere siine kā ātish-kada

raas tujh bin na aayā kabhī sabz peḌoñ kā saayā mujhe

in na.ī koñpaloñ se mirā kyā koī bhī ta.alluq na thā

shāḳh se toḌ kar ai sabā ḳhaak meñ kyuuñ milāyā mujhe

dard kā diip jaltā rahā dil kā sonā pighaltā rahā

ek Duube hue chāñd ne raat bhar ḳhuuñ rulāyā mujhe

ab mire rāste meñ kahīñ ḳhauf-e-sahrā bhī haa.il nahīñ

ḳhushk patte ne āvārgī kā qarīna sikhāyā mujhe

muddatoñ rū-e-gul kī jhalak ko tarastā rahā maiñ 'shakeb'

ab jo aa.ī bahār us ne sehn-e-chaman meñ na paayā mujhe

tu ne kya kya na ai zindagi dasht o dar mein phiraya mujhe

ab to apne dar-o-baam bhi jaante hain paraya mujhe

aur bhi kuchh bhaDakne laga mere sine ka aatish-kada

ras tujh bin na aaya kabhi sabz peDon ka saya mujhe

in nai konpalon se mera kya koi bhi talluq na tha

shaKH se toD kar ai saba KHak mein kyun milaya mujhe

dard ka dip jalta raha dil ka sona pighalta raha

ek Dube hue chand ne raat bhar KHun rulaya mujhe

ab mere raste mein kahin KHauf-e-sahra bhi hail nahin

KHushk patte ne aawargi ka qarina sikhaya mujhe

muddaton ru-e-gul ki jhalak ko tarasta raha main 'shakeb'

ab jo aai bahaar us ne sehn-e-chaman mein na paya mujhe