tu subh-dam na naha be-hijab dariya mein

tū sub.h-dam na nahā be-hijāb dariyā meñ

paḌegā shor ki hai āftāb dariyā meñ

chalo sharāb piyeñ baiTh kar kināre aaj

ki hove rashk se maahī kabāb dariyā meñ

tumhāre muñh kī safā.ī o āb-dārī dekh

bahā hai sharm se motī ho aab dariyā meñ

maiñ is tarah se huuñ mehmāñ sara-e-duniyā meñ

ki jis tarah se hai koī hubāb dariyā meñ

jahāñ ke bahr meñ har mauj buujh sail-e-fanā

banā na ghar ko tū ḳhāna-ḳharāb duniyā meñ

kabhū jo ālam-e-mastī meñ tum ne kī thī nigāh

bajā.e aab bahe hai sharāb dariyā meñ

maiñ āb-e-chashm meñ huuñ ġharq mujh ko niiñd kahāñ

kahīñ kisū ko bhī aayā hai ḳhvāb dariyā meñ

agar hai ilm jo tujh ko amal ke dar pe ho

vagarna shaiḳh Dubā de kitāb dariyā meñ

sanam kī zulf kī lahroñ ke rashk se 'hātim'

nahīñ ye mauj ye hai pech-o-tāb dariyā meñ

tu subh-dam na naha be-hijab dariya mein

paDega shor ki hai aaftab dariya mein

chalo sharab piyen baiTh kar kinare aaj

ki howe rashk se mahi kabab dariya mein

tumhaare munh ki safai o aab-dari dekh

baha hai sharm se moti ho aab dariya mein

main is tarah se hun mehman sara-e-duniya mein

ki jis tarah se hai koi hubab dariya mein

jahan ke bahr mein har mauj bujh sail-e-fana

bana na ghar ko tu KHana-KHarab duniya mein

kabhu jo aalam-e-masti mein tum ne ki thi nigah

bajae aab bahe hai sharab dariya mein

main aab-e-chashm mein hun gharq mujh ko nind kahan

kahin kisu ko bhi aaya hai KHwab dariya mein

agar hai ilm jo tujh ko amal ke dar pe ho

wagarna shaiKH Duba de kitab dariya mein

sanam ki zulf ki lahron ke rashk se 'hatim'

nahin ye mauj ye hai pech-o-tab dariya mein