تو یاد میری سنبھال رکھنا خیال رکھنا خیال رکھنا

تو یاد میری سنبھال رکھنا خیال رکھنا خیال رکھنا

یہ رابطہ یوں بحال رکھنا خیال رکھنا خیال رکھنا

تمہارے چہرے پہ غم جو دیکھا تو ٹوٹ جائے گا ضبط میرا

بحال حسن و جمال رکھنا خیال رکھنا خیال رکھنا

دلوں میں چاہت اگر رہی تو ضرور اک دن ملیں گے وعدہ

نہ وہم کوئی بھی پال رکھنا خیال رکھنا خیال رکھنا

ذرا سی غفلت پہ دیکھنا تم اتر نہ آئے یہ سرکشی پر

ہمیشہ دل کو نہال رکھنا خیال رکھنا خیال رکھنا

بڑے ہیں چالاک شہر والے نظر سے کوئی نہ بات کرنا

چھپا کے من میں سوال رکھنا خیال رکھنا خیال رکھنا

کرے گا برباد وہ رشاؔ جی سکون نیکی تری عبادت

تو لقمہ منہ میں حلال رکھنا خیال رکھنا خیال رکھنا