udasi ke jazire par ghamon ke sae gahre hain

udāsī ke jazīre par ġhamoñ ke saa.e gahre haiñ

nigāhoñ ke samundar meñ lahū-rañg ashk Thahre haiñ

kahīñ tanhā.iyoñ ne vahshatoñ se dostī kar lī

kahīñ dil par guzishta mausamoñ ke ab bhī pahre haiñ

kahīñ barkhā kī rut ne dil kī duniyā ḳhuuñ meñ nahlā dī

kahīñ vīrān rāhoñ par qadam sadiyoñ se Thahre haiñ

sajāyā hai kahīñ āñkhoñ ne ḳhud ko māh-o-anjum se

isī ummīd par ki aane vaale din sunahre haiñ

bharosā kar to luuñ lekin batāo kis pe karnā hai

ki har chehre ke pīchhe hī na jaane kitne chehre haiñ

udasi ke jazire par ghamon ke sae gahre hain

nigahon ke samundar mein lahu-rang ashk Thahre hain

kahin tanhaiyon ne wahshaton se dosti kar li

kahin dil par guzishta mausamon ke ab bhi pahre hain

kahin barkha ki rut ne dil ki duniya KHun mein nahla di

kahin viran rahon par qadam sadiyon se Thahre hain

sajaya hai kahin aankhon ne KHud ko mah-o-anjum se

isi ummid par ki aane wale din sunahre hain

bharosa kar to lun lekin batao kis pe karna hai

ki har chehre ke pichhe hi na jaane kitne chehre hain