ujDi hui basti ki subh o sham hi kya

ujḌī huī bastī kī sub.h o shaam hī kyā

ḳhaak uḌāne vāloñ kā anjām hī kyā

paas se ho kar yūñhī guzar jaatī hai sabā

dīvāne ke naam koī paiġhām hī kyā

jo bhī tumhāre jī meñ aa.e kah Daalo

ham mastāne log hamārā naam hī kyā

daur-e-mai-o-sāġhar bhī apne shabāb pe hai

gardish meñ hai charḳh-e-nīlī-fām hī kyā

'zeb' ke mar jaane kī to ye umr na thī

Duub gayā sūraj bālā-e-bām hī kyā

ujDi hui basti ki subh o sham hi kya

KHak uDane walon ka anjam hi kya

pas se ho kar yunhi guzar jati hai saba

diwane ke nam koi paigham hi kya

jo bhi tumhaare ji mein aae kah Dalo

hum mastane log hamara nam hi kya

daur-e-mai-o-saghar bhi apne shabab pe hai

gardish mein hai charKH-e-nili-fam hi kya

'zeb' ke mar jaane ki to ye umr na thi

Dub gaya suraj baala-e-baam hi kya