uljha hun main is ilham-bayani mein
uljhā huuñ maiñ is ilhām-bayānī meñ
kis kā chehra dekh rahā huuñ paanī meñ
ek na.ī hairat se roz ubhartā huuñ
aur phir Duub bhī jaatā huuñ hairānī meñ
sūraj kī kirnoñ meñ usī kā nuur to hai
us kī hī to mahak hai raat kī raanī meñ
aise kaise us ko mayassar ho jā.ūñ
ghol rahā huuñ dushvārī āsānī meñ
kyoñ nahīñ sīdhā qisse par aa jaa.eñ ham
kyā rakkhā hai tamhīd-e-tūlānī meñ
uljha hun main is ilham-bayani mein
kis ka chehra dekh raha hun pani mein
ek nai hairat se roz ubharta hun
aur phir Dub bhi jata hun hairani mein
suraj ki kirnon mein usi ka nur to hai
us ki hi to mahak hai raat ki rani mein
aise kaise us ko mayassar ho jaun
ghol raha hun dushwari aasani mein
kyon nahin sidha qisse par aa jaen hum
kya rakkha hai tamhid-e-tulani mein
- Book : Udaas Logon Ka Hona Bahut Zaruri Hai (Pg. 62)
- Author : Tarkash Pradeep
- Publication : Rekhta Publications (2023)
- Edition : 2nd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
