umr guzri meri shirini-e-guftar ke sath
umr guzrī mirī shīrīnī-e-guftār ke saath
lab milā.e the kabhī maiñ ne lab-e-yār ke saath
ġham-e-jānāñ kī aziyyat ġham-e-duniyā kā azaab
zindagī maiñ ne guzārī baḌe āzār ke saath
gard meñ Duub gayā silsila-e-shām-o-sahar
vaqt bhī chal nahīñ saktā mirī raftār ke saath
mirī ḳhuddār tabī.at ne bachāyā mujh ko
merā rishta kisī darbār na sarkār ke saath
dekhnā kūcha-e-jānāñ meñ kahīñ 'saif' na ho
ek saayā sā nazar aatā hai dīvār ke saath
umr guzri meri shirini-e-guftar ke sath
lab milae the kabhi main ne lab-e-yar ke sath
gham-e-jaanan ki aziyyat gham-e-duniya ka azab
zindagi main ne guzari baDe aazar ke sath
gard mein Dub gaya silsila-e-sham-o-sahar
waqt bhi chal nahin sakta meri raftar ke sath
meri KHuddar tabiat ne bachaya mujh ko
mera rishta kisi darbar na sarkar ke sath
dekhna kucha-e-jaanan mein kahin 'saif' na ho
ek saya sa nazar aata hai diwar ke sath
Source:
Kaf-e-gulfarosh (Pg. 63)
- Author: Saifuddin Saif
-
- Edition: 2011
- Publisher: Alhamd Publications
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
