umr ko karti hain pamal barabar yaaden

Waheed Akhtar

umr ko karti hain pamal barabar yaaden

Waheed Akhtar

MORE BYWaheed Akhtar

    umr ko kartī haiñ pāmāl barābar yādeñ

    marne detī haiñ na jiine ye sitamgar yādeñ

    haiñ kabhī ḳhūn-e-tamannā shanāvar yādeñ

    shāḳh-e-dil par haiñ kabhī barg-e-gul-e-tar yādeñ

    himmat-e-koh-kanī par bhī kabhī bhārī haiñ

    aur tultī haiñ kabhī nok-e-mizha par yādeñ

    thak ke duniyā se agar kījiye ḳhvāboñ talāsh

    niiñd uḌā detī haiñ afsāne sunā kar yādeñ

    raah bhūle hue sayyāh ko tanhā kar

    luuT letī haiñ miTā detī haiñ chhup kar yādeñ

    ahd-e-rafta ke pur-asrār ghane jañgal meñ

    phūñk kar sehr banā detī haiñ patthar yādeñ

    koī ḳhud-rafta-o-gum-gashta bhaTaktā hai jahāñ

    ajnabī ban ke vahāñ miltī haiñ akasr yādeñ

    jab bhī maazī ke dayāroñ se guzar hotā hai

    kāsa-e-chashm liye phirtī haiñ dar-dar yādeñ

    umr ko karti hain pamal barabar yaaden

    marne deti hain na jine ye sitamgar yaaden

    hain kabhi KHun-e-tamanna ki shanawar yaaden

    shaKH-e-dil par hain kabhi barg-e-gul-e-tar yaaden

    himmat-e-koh-kani par bhi kabhi bhaari hain

    aur tulti hain kabhi nok-e-mizha par yaaden

    thak ke duniya se agar kijiye KHwabon ki talash

    nind uDa deti hain afsane suna kar yaaden

    rah bhule hue sayyah ko tanha pa kar

    luT leti hain miTa deti hain chhup kar yaaden

    ahd-e-rafta ke pur-asrar ghane jangal mein

    phunk kar sehr bana deti hain patthar yaaden

    koi KHud-rafta-o-gum-gashta bhaTakta hai jahan

    ajnabi ban ke wahan milti hain akasr yaaden

    jab bhi mazi ke dayaron se guzar hota hai

    kasa-e-chashm liye phirti hain dar-dar yaaden

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY