un ke daman mein KHushiyon ke ambar the

un ke dāman meñ ḳhushiyoñ ke ambār the

un bahāroñ ke ham bhī talabgār the

kyā shikāyat kareñ apnī taqdīr se

ham ko vo hī milā jis ke haqdār the

kuchh qadam hī chale haiñ mire saath vo

'umr bhar saath dene ke iqrār the

hañste hañste vatan pe fanā ho ga.e

maañ ke vo lāDle kitne dil-dār the

lag ga.ī hai zamāne kī un ko havā

ab se pahle kahāñ vo gunahgār the

pyaar karte the 'muktā' nibhāte bhī the

pahle ke log sach meñ vafādār the

un ke daman mein KHushiyon ke ambar the

un bahaaron ke hum bhi talabgar the

kya shikayat karen apni taqdir se

hum ko wo hi mila jis ke haqdar the

kuchh qadam hi chale hain mere sath wo

'umr bhar sath dene ke iqrar the

hanste hanste watan pe fana ho gae

man ke wo laDle kitne dil-dar the

lag gai hai zamane ki un ko hawa

ab se pahle kahan wo gunahgar the

pyar karte the 'mukta' nibhate bhi the

pahle ke log sach mein wafadar the