un ko mere zabt-e-gham se bhi gila rah jaega

un ko mere zabt-e-ġham se bhī gila rah jā.egā

mushkileñ jab ḳhatm hoñgī hausla rah jā.egā

rafta rafta dil bhī Thahrā aañkh se aañsū ruke

ham ye samjhe the ki ye ġham jaan le kar jā.egā

ek ik kar ke zamīñ se sab gale mil jā.eñge

jāne-pahchānoñ se rishta yaad kā rah jā.egā

manziloñ kī ḳhvāhisheñ jab toḌ deñgī dil meñ dam

jaane vāloñ ke liye bas rāsta rah jā.egā

aap kī āñkhoñ meñ utrā hai to ujlā ho gayā

kyā ḳhabar thī aks merā aa.ina ho jā.egā

nisbateñ ham se zamīñ kī chhin ga.iiñ 'parvīñ' to kyā

āsmānoñ se hamārā rābta rah jā.egā

un ko mere zabt-e-gham se bhi gila rah jaega

mushkilen jab KHatm hongi hausla rah jaega

rafta rafta dil bhi Thahra aankh se aansu ruke

hum ye samjhe the ki ye gham jaan le kar jaega

ek ek kar ke zamin se sab gale mil jaenge

jaane-pahchanon se rishta yaad ka rah jaega

manzilon ki KHwahishen jab toD dengi dil mein dam

jaane walon ke liye bas rasta rah jaega

aap ki aankhon mein utra hai to ujla ho gaya

kya KHabar thi aks mera aaina ho jaega

nisbaten hum se zamin ki chhin gain 'parwin' to kya

aasmanon se hamara rabta rah jaega