ungli figar koi na KHun mein qalam hua

uñglī figār koī na ḳhuuñ meñ qalam huā

kab ham se apne dard kā qissa raqam huā

ro.e tamām umr magar is hunar ke saath

aañsū palak pe aayā na kāġhaz hī nam huā

ghar chhoḌ aa.e aap bhī achchhā kiyā huzūr

ye to junūñ kī raah meñ pahlā qadam huā

rah rah ke sar uThātī rahīñ kitnī ḳhvāhisheñ

in bāġhiyoñ meñ sar bhī kisī kā qalam huā

dekhā thā ḳhud ko maiñ ne tujhe dekhne ke ba.ad

ye to gunāh mujh se ḳhudā kī qasam huā

hai tarz-e-guftugū bhī vahī dost bhī vahī

dushman to merī jaan kā merā bharam huā

'fārūq' ab kisī se shikāyat kareñ to kyā

ham ko hī apne hone kā ehsās kam huā

ungli figar koi na KHun mein qalam hua

kab hum se apne dard ka qissa raqam hua

roe tamam umr magar is hunar ke sath

aansu palak pe aaya na kaghaz hi nam hua

ghar chhoD aae aap bhi achchha kiya huzur

ye to junun ki rah mein pahla qadam hua

rah rah ke sar uThati rahin kitni KHwahishen

in baghiyon mein sar bhi kisi ka qalam hua

dekha tha KHud ko main ne tujhe dekhne ke baad

ye to gunah mujh se KHuda ki qasam hua

hai tarz-e-guftugu bhi wahi dost bhi wahi

dushman to meri jaan ka mera bharam hua

'faruq' ab kisi se shikayat karen to kya

hum ko hi apne hone ka ehsas kam hua