us gul ko bhejna hai mujhe KHat saba ke hath
us gul ko bhejna hai mujhe KHat saba ke hath
Mazhar Mirza Jaan-e-Janaan
MORE BYMazhar Mirza Jaan-e-Janaan
us gul ko bhejnā hai mujhe ḳhat sabā ke haath
is vāste lagā huuñ chaman kī havā ke haath
barg-e-hinā uupar likho ahvāl-e-dil mirā
shāyad ki jā lage vo kisī mīrzā ke haath
āzād ho rahā huuñ do aalam kī qaid se
miinā lagā hai jab se ki kuchh be-navā ke haath
martā huuñ mīrzā.i-e-gul dekh har sahar
sūraj ke haath chunarī to pañkhā sabā ke haath
'maz.har' chhupā ke rakh dil-e-nāzuk ko apne tū
ye shīsha bechnā hai kisī mīrzā ke haath
us gul ko bhejna hai mujhe KHat saba ke hath
is waste laga hun chaman ki hawa ke hath
barg-e-hina upar likho ahwal-e-dil mera
shayad ki ja lage wo kisi mirza ke hath
aazad ho raha hun do aalam ki qaid se
mina laga hai jab se ki kuchh be-nawa ke hath
marta hun mirzai-e-gul dekh har sahar
suraj ke hath chunari to pankha saba ke hath
'mazhar' chhupa ke rakh dil-e-nazuk ko apne tu
ye shisha bechna hai kisi mirza ke hath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
