us ka paikar meri sochon ne tarasha kaise
us kā paikar mirī sochoñ ne tarāshā kaise
mahv-e-hairat huuñ qarīb itnā vo aayā kaise
chalte tūfāñ meñ parindoñ ko panāheñ de kar
le liyā mol daraḳhtoñ ne ye ḳhatra kaise
jab kisī shaam ko ghar aatā huuñ ḳhālī hāthoñ
dekhtā hai mire muñh ko mirā bachcha kaise
kal añdheroñ se rihā.ī kī du'ā māñgī thī
ab ye tashvīsh ki ruḳhsat ho ujālā kaise
maiñ to ḳhud apnī hadoñ ko bhī nahīñ chhū saktā
tū ḳhudā ho ke mire zehn meñ aayā kaise
hādsoñ ne mujhe kar Daalā thā reza reza
maiñ simaTtā bhī jo 'be-dil' to simaTtā kaise
us ka paikar meri sochon ne tarasha kaise
mahw-e-hairat hun qarib itna wo aaya kaise
chalte tufan mein parindon ko panahen de kar
le liya mol daraKHton ne ye KHatra kaise
jab kisi sham ko ghar aata hun KHali hathon
dekhta hai mere munh ko mera bachcha kaise
kal andheron se rihai ki du'a mangi thi
ab ye tashwish ki ruKHsat ho ujala kaise
main to KHud apni hadon ko bhi nahin chhu sakta
tu KHuda ho ke mere zehn mein aaya kaise
hadson ne mujhe kar Dala tha reza reza
main simaTta bhi jo 'be-dil' to simaTta kaise
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
