uske aane pe bhi nahin aai
us ke aane pe bhī nahīñ aa.ī
dard meñ kuchh kamī nahīñ aa.ī
umr bhar dostoñ ne mehnat kī
par hameñ dostī nahīñ aa.ī
apne hī ghar pe aa nikalte haiñ
ham ko āvārgī nahīñ aa.ī
dostoñ ke kisī latīfe par
aaj ham ko hañsī nahīñ aa.ī
ham ko bhī shauq zindagī kā thā
kyā kahīñ raas hī nahīñ aa.ī
ab ke aa.ī bhī aur ga.ī bhī bahār
fasl-e-dīvāngī nahīñ aa.ī
zindagī ban ga.ī adū sī 'shujā.a'
aur hameñ maut bhī nahīñ aa.ī
us ke aane pe bhi nahin aai
dard mein kuchh kami nahin aai
umr bhar doston ne mehnat ki
par hamein dosti nahin aai
apne hi ghar pe aa nikalte hain
hum ko aawargi nahin aai
doston ke kisi latife par
aaj hum ko hansi nahin aai
hum ko bhi shauq zindagi ka tha
kya kahin ras hi nahin aai
ab ke aai bhi aur gai bhi bahaar
fasl-e-diwangi nahin aai
zindagi ban gai adu si 'shujaa'
aur hamein maut bhi nahin aai
Source:
Allah Hu (Pg. 28)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
