usne KHudi ka nashsha utarne nahin diya

us ne ḳhudī kā nashsha utarne nahīñ diyā

ḳhud mar gayā zamīr ko marne nahīñ diyā

aatā huā dikhā.ī diyā thā vo duur se

phir ye huā ki saath nazar ne nahīñ diyā

ehsās to mujhe bhī safar meñ thakan kā thā

saaya magar kisī bhī shajar ne nahīñ diyā

tanhā se ek shaḳhs ko dekhā thā raah meñ

phir rāstoñ ne aage guzarne nahīñ diyā

saiqal kiyā hai mujh ko mirī hairatoñ ne ḳhud

ye aa.ina tumhārī nazar ne nahīñ diyā

'be-dil' ham ahl-e-shauq bhī kitne harīs haiñ

jo zaḳhm bhī lagā use bharne nahīñ diyā

us ne KHudi ka nashsha utarne nahin diya

KHud mar gaya zamir ko marne nahin diya

aata hua dikhai diya tha wo dur se

phir ye hua ki sath nazar ne nahin diya

ehsas to mujhe bhi safar mein thakan ka tha

saya magar kisi bhi shajar ne nahin diya

tanha se ek shaKHs ko dekha tha rah mein

phir raston ne aage guzarne nahin diya

saiqal kiya hai mujh ko meri hairaton ne KHud

ye aaina tumhaari nazar ne nahin diya

'be-dil' hum ahl-e-shauq bhi kitne haris hain

jo zaKHm bhi laga use bharne nahin diya