usne kuchh kan mein chupke se kaha raat gae

us ne kuchh kaan meñ chupke se kahā raat ga.e

maiñ ne sab sun ke bhī jaise na sunā raat ga.e

aaj bhayyā ne ḳhudā jaane khilā dī kyā shai

paanī bhābī ne ka.ī baar piyā raat ga.e

kyā kaheñge mujhe batlāo mohalle vaale

tum ko aate hue gar dekh liyā raat ga.e

maiñ vahāñ jā ke paḌhā kartī huuñ aksar bhābī

achchhī lagtī hai khulī chhat kī havā raat ga.e

haath tauba ko ka.ī baar uThā.e maiñ ne

yaad aayā hai ka.ī baar ḳhudā raat ga.e

aaj vo aa ga.e pardes se vāpas 'sajnī'

maiñ nai kal raat ko māñgī thī duā raat ga.e

us ne kuchh kan mein chupke se kaha raat gae

main ne sab sun ke bhi jaise na suna raat gae

aaj bhayya ne KHuda jaane khila di kya shai

pani bhabi ne kai bar piya raat gae

kya kahenge mujhe batlao mohalle wale

tum ko aate hue gar dekh liya raat gae

main wahan ja ke paDha karti hun aksar bhabi

achchhi lagti hai khuli chhat ki hawa raat gae

hath tauba ko kai bar uThae main ne

yaad aaya hai kai bar KHuda raat gae

aaj wo aa gae pardes se wapas 'sajni'

main nai kal raat ko mangi thi dua raat gae