usne mere marne ke liye aaj dua ki

us ne mire marne ke liye aaj duā kī

yā rab kahīñ niyyat na badal jaa.e qazā kī

āñkhoñ meñ hai jaadū tirī zulfoñ meñ hai ḳhushbū

ab mujh ko zarūrat na davā kī na duā kī

ik murshid-e-bar-haq se hai derīna ta.alluq

parvāh nahīñ mujh ko sazā kī na jazā kī

donoñ hī barābar haiñ rah-e-ishq-o-vafā meñ

jab tum ne vafā kī hai to ham ne bhī vafā kī

ġhairoñ ko ye shikva hai ki piitā hai shab-o-roz

mai-ḳhāne kā muḳhtār to ab tak nahīñ shākī

ye bhī hai yaqīñ mujh ko sazā vo nahīñ deñge

ye aur bhī hai taslīm ki haañ maiñ ne ḳhatā kī

is daur ke insāñ ko ḳhudā bhuul gayā hai

tum par to 'azīz' aaj bhī rahmat hai ḳhudā kī

us ne mere marne ke liye aaj dua ki

ya rab kahin niyyat na badal jae qaza ki

aankhon mein hai jadu teri zulfon mein hai KHushbu

ab mujh ko zarurat na dawa ki na dua ki

ek murshid-e-bar-haq se hai derina talluq

parwah nahin mujh ko saza ki na jaza ki

donon hi barabar hain rah-e-ishq-o-wafa mein

jab tum ne wafa ki hai to hum ne bhi wafa ki

ghairon ko ye shikwa hai ki pita hai shab-o-roz

mai-KHane ka muKHtar to ab tak nahin shaki

ye bhi hai yaqin mujh ko saza wo nahin denge

ye aur bhi hai taslim ki han main ne KHata ki

is daur ke insan ko KHuda bhul gaya hai

tum par to 'aziz' aaj bhi rahmat hai KHuda ki