us sharam-gin ke munh pe na har dam nigah rakh

us sharam-gīñ ke muñh pe na har dam nigāh rakh

sar-rishta-e-nigāh ko apne nigāh rakh

kis lutf se hai aa.ina dekh us ke rū-ba-rū

gardūñ na dil meñ ārzū-e-mahr-o-māh rakh

dīvāne chāhtā hai agar vasl-e-yār ho

terā baḌā raqīb hai dil is se raah rakh

dildār ho tū yā ki dil-āzār terā shauq

dil de chukā maiñ ḳhvāh na rakh is ko ḳhvāh rakh

dāvā-e-qatl kar tujhe manzūr hai jo dil

dāmān o teġh-e-yār hī ko tū gavāh rakh

maiñ chāhtā huuñ tujh ko tū chāhe hai ġhair ko

ye kyā ġhazab hai chāhne vaale kī chaah rakh

'joshish' judā hai yaar se tū jāntā huuñ maiñ

itnā bhī iztirāb ḳhudā par nigāh rakh

us sharam-gin ke munh pe na har dam nigah rakh

sar-rishta-e-nigah ko apne nigah rakh

kis lutf se hai aaina dekh us ke ru-ba-ru

gardun na dil mein aarzu-e-mahr-o-mah rakh

diwane chahta hai agar wasl-e-yar ho

tera baDa raqib hai dil is se rah rakh

dildar ho tu ya ki dil-azar tera shauq

dil de chuka main KHwah na rakh is ko KHwah rakh

dawa-e-qatl kar tujhe manzur hai jo dil

daman o tegh-e-yar hi ko tu gawah rakh

main chahta hun tujh ko tu chahe hai ghair ko

ye kya ghazab hai chahne wale ki chah rakh

'joshish' juda hai yar se tu jaanta hun main

itna bhi iztirab KHuda par nigah rakh