us sitamgar mein Dal di maine

us sitamgar meñ Daal dī maiñ ne

jaan patthar meñ Daal dī maiñ ne

cup meñ garmī dikhā rahī thī bahut

chaa.e saucer meñ Daal dī maiñ ne

maah bhar kī kamā.ī joḌī aur

us ke zevar meñ Daal dī maiñ ne

phir lapeTā use ba-vaqt-e-sahar

niiñd bistar meñ Daal dī maiñ ne

ik tirā hijr ek us kā visāl

aag sāgar meñ Daal dī maiñ ne

vo jo khultā thā us ke ghar kī taraf

kunDī us dar meñ Daal dī maiñ ne

ek kirdār maar kar 'āfāq'

jaan picture meñ Daal dī maiñ ne

us sitamgar mein Dal di main ne

jaan patthar mein Dal di main ne

cup mein garmi dikha rahi thi bahut

chae saucer mein Dal di main ne

mah bhar ki kamai joDi aur

us ke zewar mein Dal di main ne

phir lapeTa use ba-waqt-e-sahar

nind bistar mein Dal di main ne

ek tera hijr ek us ka visal

aag sagar mein Dal di main ne

wo jo khulta tha us ke ghar ki taraf

kunDi us dar mein Dal di main ne

ek kirdar mar kar 'afaq'

jaan picture mein Dal di main ne