use malum hai sab kuchh wahi hai raaz-dan apna

use ma.alūm hai sab kuchh vahī hai rāz-dāñ apnā

magar mujh se hī sunñā chāhtā hai vo bayāñ apnā

yahāñ par shaan jaatī hai vahāñ par jaan jaatī hai

zamīñ chhūTī to lagtā hai ki chhūTā āsmāñ apnā

jo guzrā hai so guzrā hai jo aa.egā so aa.egā

jo ab hai vo bhalā kab hai koī lamha kahāñ apnā

maiñ jis ke dil meñ rahtā huuñ maiñ jis kī dhun meñ raqsāñ huuñ

vo apnī dhun pe gaatā hai to hotā hai gumāñ apnā

vahāñ ḳhāmosh baiThe the yahāñ to baat karte haiñ

vahāñ kyuuñ thā ziyāñ apnā yahāñ kyoñ ho ziyāñ apnā

ye sadiyāñ biit jaatī haiñ magar lamhe nahīñ kaTte

jo ghaTtā hai to baḌh jaatā hai kuchh bār-e-garāñ apnā

use malum hai sab kuchh wahi hai raaz-dan apna

magar mujh se hi sunna chahta hai wo bayan apna

yahan par shan jati hai wahan par jaan jati hai

zamin chhuTi to lagta hai ki chhuTa aasman apna

jo guzra hai so guzra hai jo aaega so aaega

jo ab hai wo bhala kab hai koi lamha kahan apna

main jis ke dil mein rahta hun main jis ki dhun mein raqsan hun

wo apni dhun pe gata hai to hota hai guman apna

wahan KHamosh baiThe the yahan to baat karte hain

wahan kyun tha ziyan apna yahan kyon ho ziyan apna

ye sadiyan bit jati hain magar lamhe nahin kaTte

jo ghaTta hai to baDh jata hai kuchh bar-e-garan apna