use samajhne ka koi to rasta nikle
use samajhne kā koī to rāsta nikle
maiñ chāhtā bhī yahī thā vo bevafā nikle
kitāb-e-māzī ke aurāq ulaT ke dekh zarā
na jaane kaun sā saf.ha muḌā huā nikle
maiñ tujh se miltā to tafsīl meñ nahīñ jaatā
mirī taraf se tire dil meñ jaane kyā nikle
jo dekhne meñ bahut hī qarīb lagtā hai
usī ke baare meñ socho to fāsla nikle
tamām shahr kī āñkhoñ meñ surḳh sho.ale haiñ
'vasīm' ghar se ab aise meñ koī kyā nikle
use samajhne ka koi to rasta nikle
main chahta bhi yahi tha wo bewafa nikle
kitab-e-mazi ke auraq ulaT ke dekh zara
na jaane kaun sa safha muDa hua nikle
main tujh se milta to tafsil mein nahin jata
meri taraf se tere dil mein jaane kya nikle
jo dekhne mein bahut hi qarib lagta hai
usi ke bare mein socho to fasla nikle
tamam shahr ki aankhon mein surKH shoale hain
'wasim' ghar se ab aise mein koi kya nikle
Source:
Mera Kiya (Pg. 77)
- Author: Waseem Barelvi
-
- Edition: 2007
- Publisher: Maktaba Jamia Ltd.
- Year of Publication: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
