usi ke nam se har kaam ka aaghaz karta hun

usī ke naam se har kaam kā āġhāz kartā huuñ

jabīñ hai ḳhaak par so arsh tak parvāz kartā huuñ

mire dushman bhī merī is adā par daad dete haiñ

maiñ is andāz se un ko nazar-andāz kartā huuñ

mujhe ik raaz se parda uThānā jab bhī hotā hai

kisī ko rāzdārī se sharīk-e-rāz kartā huuñ

tire hī naam se miltī hai vus.at dil kī duniyā ko

maiñ lamha lamha terā zikr be-āvāz kartā huuñ

ye urdu bhā.ī-chāra kī alam-bardār hai 'kāshif'

zabāñ par apnī maiñ kuchh is liye bhī naaz kartā huuñ

usi ke nam se har kaam ka aaghaz karta hun

jabin hai KHak par so arsh tak parwaz karta hun

mere dushman bhi meri is ada par dad dete hain

main is andaz se un ko nazar-andaz karta hun

mujhe ek raaz se parda uThana jab bhi hota hai

kisi ko raazdari se sharik-e-raaz karta hun

tere hi nam se milti hai wusat dil ki duniya ko

main lamha lamha tera zikr be-awaz karta hun

ye urdu bhai-chaara ki alam-bardar hai 'kashif'

zaban par apni main kuchh is liye bhi naz karta hun