usī ḳhush-navā meñ haiñ sab hunar mujhe pahle thā na qayās bhī
usī ḳhush-navā pe sajā hai kyā mirī shā.irī kā libās bhī
vo ġhazal kā ruup liye hue mujhe har maqām pe le gayā
kabhī dasht-e-yār ke darmiyāñ kabhī shahr-e-fikr ke paas bhī
jise itnā auj-e-nazar milā use kyuuñ na dard-e-zamīñ mile
kisī falsafe kā nuzūl hai tire lab pe kalma-e-yās bhī
koī jaise nok-e-sināñ liye shab-o-roz sar pe khaḌā rahā
hai aziyyatoñ ke shumār meñ ye aziyyatoñ kā hirās bhī
ruḳh-e-dāġh-e-dil ke sivā 'hasan' maiñ navā-e-be-dil-o-shād huuñ
inhī āshiqoñ kā hai rañg bhī unhī kāmiloñ kā hai baas bhī
usi KHush-nawa mein hain sab hunar mujhe pahle tha na qayas bhi
usi KHush-nawa pe saja hai kya meri shairi ka libas bhi
wo ghazal ka rup liye hue mujhe har maqam pe le gaya
kabhi dasht-e-yar ke darmiyan kabhi shahr-e-fikr ke pas bhi
jise itna auj-e-nazar mila use kyun na dard-e-zamin mile
kisi falsafe ka nuzul hai tere lab pe kalma-e-yas bhi
koi jaise nok-e-sinan liye shab-o-roz sar pe khaDa raha
hai aziyyaton ke shumar mein ye aziyyaton ka hiras bhi
ruKH-e-dagh-e-dil ke siwa 'hasan' main nawa-e-be-dil-o-shad hun
inhi aashiqon ka hai rang bhi unhi kaamilon ka hai bas bhi
Source:
Kulliyat-e-Hasan Naim (Pg. 210)
-
Author:
Ahmad Kafeel
-
- Edition: 2006
- Publisher: Qaumi Council Baraye Farogh-e-urdu Zaban
- Year of Publication: 2006
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.