uThā jo dast-e-sitam qatl-e-be-navā ke liye
nigāh-e-shauq ne bose har ik adā ke liye
mahak hai tere shabistāñ kī bū-e-zulf-e-sabā
chalī hai bād-e-sabā ik shikasta-pā ke liye
suno ki dil ko mire e.atibār-e-zīst nahīñ
rukā huuñ ek nafas arz-e-mudda.ā ke liye
mire ḳhayāl ne pahnā libās-e-harf-o-nidā
sarīr-e-ḳhāma hai raqsāñ mirī navā ke liye
dayār-e-dil to huā vaqf-e-āhuvān-e-javāñ
ab aur koī banā.eñge ghar ḳhudā ke liye
mire ḳhayāl ko qaid-e-makāñ qubūl nahīñ
hudūd-e-bahr-o-bayābāñ nahīñ havā ke liye
rahī nazar meñ hamāre urūs-e-shauq-e-mudām
fanā-e-zīst rahe ziist kī baqā ke liye
kise batā.eñ ki ham ne pilā ke ḳhūn-e-jigar
chaman meñ phuul khilā.e tirī qabā ke liye
ḳhayāl-o-rañg-o-nuqūsh-o-hurūf-o-lauh-o-qalam
bichhe haiñ daam jamāl-e-gurez-pā ke liye
uTha jo dast-e-sitam qatl-e-be-nawa ke liye
nigah-e-shauq ne bose har ek ada ke liye
mahak hai tere shabistan ki bu-e-zulf-e-saba
chali hai baad-e-saba ek shikasta-pa ke liye
suno ki dil ko mere eatibar-e-zist nahin
ruka hun ek nafas arz-e-muddaa ke liye
mere KHayal ne pahna libas-e-harf-o-nida
sarir-e-KHama hai raqsan meri nawa ke liye
dayar-e-dil to hua waqf-e-ahuwan-e-jawan
ab aur koi banaenge ghar KHuda ke liye
mere KHayal ko qaid-e-makan qubul nahin
hudud-e-bahr-o-bayaban nahin hawa ke liye
rahi nazar mein hamare urus-e-shauq-e-mudam
fana-e-zist rahe zist ki baqa ke liye
kise bataen ki hum ne pila ke KHun-e-jigar
chaman mein phul khilae teri qaba ke liye
KHayal-o-rang-o-nuqush-o-huruf-o-lauh-o-qalam
bichhe hain dam jamal-e-gurez-pa ke liye
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.