uThi wo ghaTa rang-samaniyan kar

uThī vo ghaTā rang-sāmāniyāñ kar

guhar-pāshiyāñ kar zar-afshāniyāñ kar

surāhī jhukā aur dhūmeñ machā de

gulābī uThā aur gul-afshāniyāñ kar

miTā dāġh-e-hosh aur mad.hosh ban jā

uThā jām-e-zar aur sultāniyāñ kar

nigāhoñ se barsā de abr-e-javānī

mai-e-lāla-gūñ se gulistāniyāñ kar

samundar pe chal aur ilyās ban jā

havāoñ pe uḌ aur sulemāniyāñ kar

sukūñ paañv chūme vo halchal machā de

ḳhirad sar jhukā de vo nādāniyāñ kar

alam khol kar 'josh' bad-mastiyoñ ke

jahāñ-dāriyāñ kar jahāñ-bāniyāñ kar

uThi wo ghaTa rang-samaniyan kar

guhar-pashiyan kar zar-afshaniyan kar

surahi jhuka aur dhumen macha de

gulabi uTha aur gul-afshaniyan kar

miTa dagh-e-hosh aur madhosh ban ja

uTha jam-e-zar aur sultaniyan kar

nigahon se barsa de abr-e-jawani

mai-e-lala-gun se gulistaniyan kar

samundar pe chal aur ilyas ban ja

hawaon pe uD aur sulemaniyan kar

sukun panw chume wo halchal macha de

KHirad sar jhuka de wo nadaniyan kar

alam khol kar 'josh' bad-mastiyon ke

jahan-dariyan kar jahan-baniyan kar