unchi imaraton ke makin dekhte rahe

ūñchī 'imāratoñ ke makīñ dekhte rahe

ham kaise aa.e zer-e-zamīñ dekhte rahe

ham par 'azāb utrā kahīñ aur se magar

pāgal the ham jo aur kahīñ dekhte rahe

ham sāhab-e-jamāl the lekin the be-yaqīñ

kis sādgī se tere ta.iiñ dekhte rahe

kitne murāqabe kiye bharne ko ik uḌaan

āvārgī meñ 'arsh-e-barīñ dekhte rahe

ham ahliyān-e-shahr bhī kitne 'ajīb haiñ

ghar ke sañvārne ko makīñ dekhte rahe

unchi 'imaraton ke makin dekhte rahe

hum kaise aae zer-e-zamin dekhte rahe

hum par 'azab utra kahin aur se magar

pagal the hum jo aur kahin dekhte rahe

hum sahab-e-jamal the lekin the be-yaqin

kis sadgi se tere tain dekhte rahe

kitne muraqabe kiye bharne ko ek uDan

aawargi mein 'arsh-e-barin dekhte rahe

hum ahliyan-e-shahr bhi kitne 'ajib hain

ghar ke sanwarne ko makin dekhte rahe