aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

faqir kis darja shadman the huzur ko kuchh to yaad hoga

Abdul Hamid Adam

faqir kis darja shadman the huzur ko kuchh to yaad hoga

Abdul Hamid Adam

MORE BYAbdul Hamid Adam

    faqīr kis darja shādmāñ the huzūr ko kuchh to yaad hogā

    huzūr kis darja mehrbāñ the huzūr ko kuchh to yaad hogā

    vo mai-kada thā sanam-kada thā ki bāb-e-jannat khule hue the

    tamām shab aap ham kahāñ the huzūr ko kuchh to yaad hogā

    vahāñ bahāroñ ke zamzame the vahāñ nigāroñ ke jamgaThe the

    vahāñ sitāroñ ke kārvāñ the huzūr ko kuchh to yaad hogā

    pahan ke phūloñ ke taaj sar par hasīn-o-shādāb masnadoñ par

    subū-ba-kaf kaun hukmarāñ the huzūr ko kuchh to yaad hogā

    marāhil-e-rāhat-o-amāñ the masā.il-e-māh-o-kahkashāñ the

    mashāġhil-e-harf-o-dāstāñ the huzūr ko kuchh to yaad hogā

    agarche shauq-o-talab the be-sāḳhta ham-āġhoshiyoñ pe maa.il

    ka.ī takalluf bhī darmiyāñ the huzūr ko kuchh to yaad hogā

    latīf shāmeñ tabī.atoñ ke zamīr se ḳhuub āshnā thiiñ

    hasīñ savere mizāj-dāñ the huzūr ko kuchh to yaad hogā

    nazar had tak muhīt thā silsila mahakte hue guloñ

    guloñ meñ pariyoñ ke ghar nihāñ the huzūr ko kuchh to yaad hogā

    ajiib sāñche kashtiyāñ bah rahī thiiñ lahroñ ke zer-o-bam par

    ajiib sūrat ke bādbāñ the huzūr ko kuchh to yaad hogā

    ulūhiyat aap is hasīñ ittifāq par muskurā rahī thī

    sanam ḳhudāoñ ke mehmāñ the huzūr ko kuchh to yaad hogā

    jo vāqiye the vo gūñjte zamzamoñ ke mānind maujzan the

    jo ḳhvāb the sarv-e-bostāñ the huzūr ko kuchh to yaad hogā

    kahīñ kahīñ salsabīl o kausar jot maujūd thī zamīñ par

    kahīñ kahīñ arsh-o-āsmāñ the huzūr ko kuchh to yaad hogā

    shab-e-mohabbat huzūr kākuloñ ke khulne ke silsile meñ

    'adam' ke isrār kyā javāñ the huzūr ko kuchh to yaad hogā

    faqir kis darja shadman the huzur ko kuchh to yaad hoga

    huzur kis darja mehrban the huzur ko kuchh to yaad hoga

    wo mai-kada tha sanam-kada tha ki bab-e-jannat khule hue the

    tamam shab aap hum kahan the huzur ko kuchh to yaad hoga

    wahan bahaaron ke zamzame the wahan nigaron ke jamgaThe the

    wahan sitaron ke karwan the huzur ko kuchh to yaad hoga

    pahan ke phulon ke taj sar par hasin-o-shadab masnadon par

    subu-ba-kaf kaun hukmaran the huzur ko kuchh to yaad hoga

    marahil-e-rahat-o-aman the masail-e-mah-o-kahkashan the

    mashaghil-e-harf-o-dastan the huzur ko kuchh to yaad hoga

    agarche shauq-o-talab the be-saKHta ham-aghoshiyon pe mail

    kai takalluf bhi darmiyan the huzur ko kuchh to yaad hoga

    latif shamen tabiaton ke zamir se KHub aashna thin

    hasin sawere mizaj-dan the huzur ko kuchh to yaad hoga

    nazar ki had tak muhit tha silsila mahakte hue gulon ka

    gulon mein pariyon ke ghar nihan the huzur ko kuchh to yaad hoga

    ajib sanche ki kashtiyan bah rahi thin lahron ke zer-o-bam par

    ajib surat ke baadban the huzur ko kuchh to yaad hoga

    uluhiyat aap is hasin ittifaq par muskura rahi thi

    sanam KHudaon ke mehman the huzur ko kuchh to yaad hoga

    jo waqiye the wo gunjte zamzamon ke manind maujzan the

    jo KHwab the sarw-e-bostan the huzur ko kuchh to yaad hoga

    kahin kahin salsabil o kausar ki jot maujud thi zamin par

    kahin kahin arsh-o-asman the huzur ko kuchh to yaad hoga

    shab-e-mohabbat huzur ki kakulon ke khulne ke silsile mein

    'adam' ke israr kya jawan the huzur ko kuchh to yaad hoga

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now