aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

uzr unki zaban se nikla

Dagh Dehlvi

uzr unki zaban se nikla

Dagh Dehlvi

MORE BYDagh Dehlvi

    uzr un zabān se niklā

    tiir goyā kamān se niklā

    vo chhalāvā is aan se niklā

    al-amāñ har zabān se niklā

    ḳhār-e-hasrat bayān se niklā

    dil kāñTā zabān se niklā

    fitna-gar kyā makān se niklā

    āsmāñ āsmān se niklā

    aa gayā ġhash nigāh dekhte

    mudda.ā kab zabān se niklā

    khā ga.e the vafā dhokā ham

    jhuuT sach imtihān se niklā

    dil meñ rahne na duuñ tirā shikva

    dil meñ aayā zabān se niklā

    vahm aate haiñ dekhiye kyā ho

    vo akelā makān se niklā

    tum baraste rahe sar-e-mahfil

    kuchh bhī merī zabān se niklā

    sach to ye hai mo.āmla dil

    bāhar apne gumān se niklā

    us ko aayat hadīs kyā samjheñ

    jo tumhārī zabān se niklā

    paḌ gayā jo zabāñ se terī harf

    phir na apne makān se niklā

    dekh kar rū-e-yār salle-alā

    be-tahāshā zabān se niklā

    lo qayāmat ab aa.ī vo kāfir

    ban-banā kar makān se niklā

    mar ga.e ham magar tirā armān

    dil se niklā na jaan se niklā

    rāh-rav-e-rāh-e-ishq the lākhoñ

    aage maiñ kārvān se niklā

    samjho patthar tum lakīr use

    jo hamārī zabān se niklā

    bazm se tum ko le ke jā.eñge

    kaam kab phūl-pān se niklā

    kyā muravvat hai nāvak-e-dil-doz

    pahle hargiz na jaan se niklā

    tere dīvānoñ bhī lashkar aaj

    kis tajammul se shaan se niklā

    muḌ ke dekhā to maiñ ne kab dekhā

    duur jab pāsbān se niklā

    vo hile lab tumhāre vaade par

    vo tumhārī zabān se niklā

    us bāñkī adā ne jab maarā

    dam mirā aan taan se niklā

    mere aañsū us ne tārīf

    ḳhuub motī ye kaan se niklā

    ham khaḌe tum se bāteñ karte the

    ġhair kyuuñ darmiyān se niklā

    zikr ahl-e-vafā jab aayā

    'dāġh' un zabān se niklā

    uzr un ki zaban se nikla

    tir goya kaman se nikla

    wo chhalawa is aan se nikla

    al-aman har zaban se nikla

    KHar-e-hasrat bayan se nikla

    dil ka kanTa zaban se nikla

    fitna-gar kya makan se nikla

    aasman aasman se nikla

    aa gaya ghash nigah dekhte hi

    muddaa kab zaban se nikla

    kha gae the wafa ka dhoka hum

    jhuT sach imtihan se nikla

    dil mein rahne na dun tera shikwa

    dil mein aaya zaban se nikla

    wahm aate hain dekhiye kya ho

    wo akela makan se nikla

    tum baraste rahe sar-e-mahfil

    kuchh bhi meri zaban se nikla

    sach to ye hai moamla dil ka

    bahar apne guman se nikla

    us ko aayat hadis kya samjhen

    jo tumhaari zaban se nikla

    paD gaya jo zaban se teri harf

    phir na apne makan se nikla

    dekh kar ru-e-yar salle-ala

    be-tahasha zaban se nikla

    lo qayamat ab aai wo kafir

    ban-bana kar makan se nikla

    mar gae hum magar tera arman

    dil se nikla na jaan se nikla

    rah-raw-e-rah-e-ishq the lakhon

    aage main karwan se nikla

    samjho patthar ki tum lakir use

    jo hamari zaban se nikla

    bazm se tum ko le ke jaenge

    kaam kab phul-pan se nikla

    kya murawwat hai nawak-e-dil-doz

    pahle hargiz na jaan se nikla

    tere diwanon ka bhi lashkar aaj

    kis tajammul se shan se nikla

    muD ke dekha to main ne kab dekha

    dur jab pasban se nikla

    wo hile lab tumhaare wade par

    wo tumhaari zaban se nikla

    us ki banki ada ne jab mara

    dam mera aan tan se nikla

    mere aansu ki us ne ki tarif

    KHub moti ye kan se nikla

    hum khaDe tum se baaten karte the

    ghair kyun darmiyan se nikla

    zikr ahl-e-wafa ka jab aaya

    'dagh' un ki zaban se nikla

    RECITATIONS

    Nomaan Shauque

    Nomaan Shauque,

    Nomaan Shauque

    uzr unki zaban se nikla Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now