vā chashm-e-tamāshā lab-e-iz.hār silā hai
koī pas-e-dīvār mujhe dekh rahā hai
miTTī to mirī mar bhī chukī zinda sadā hai
maiñ chup huuñ magar dard mirā bol rahā hai
ashkoñ kā hujūm aaj jise DhūñD rahā hai
vo dard ke dariyā meñ kahīñ Duub gayā hai
kyā zahr sā har samt fazāoñ meñ ghulā hai
jo chehra bhī dekho vahī utrā sā huā hai
ab ḳhuun ke ashkoñ se chaman sīñchnā hogā
bhīge hue mausam ne ye paiġhām diyā hai
vā hoñToñ se kyā bolūñ ki āñkheñ to silī haiñ
sahrāoñ meñ yāroñ ne mujhe chhoḌ diyā hai
guzrī huī kal ke hue sikke sabhī khoTe
jo aaj kā sikka hai vahī qibla-numā hai
kab dahlā hai āfāt-e-zamāna se mirā dil
tūfānoñ ko aanā hai to darvāza khulā hai
logoñ ne to sūraj kī chakā-chauñd ko puujā
maiñ ne to tire saa.e ko bhī sajda kiyā hai
wa chashm-e-tamasha lab-e-izhaar sila hai
koi pas-e-diwar mujhe dekh raha hai
miTTi to meri mar bhi chuki zinda sada hai
main chup hun magar dard mera bol raha hai
ashkon ka hujum aaj jise DhunD raha hai
wo dard ke dariya mein kahin Dub gaya hai
kya zahr sa har samt fazaon mein ghula hai
jo chehra bhi dekho wahi utra sa hua hai
ab KHun ke ashkon se chaman sinchna hoga
bhige hue mausam ne ye paigham diya hai
wa honTon se kya bolun ki aankhen to sili hain
sahraon mein yaron ne mujhe chhoD diya hai
guzri hui kal ke hue sikke sabhi khoTe
jo aaj ka sikka hai wahi qibla-numa hai
kab dahla hai aafat-e-zamana se mera dil
tufanon ko aana hai to darwaza khula hai
logon ne to suraj ki chaka-chaund ko puja
main ne to tere sae ko bhi sajda kiya hai
Source:
naquush (Pg. 264)
-
- Year of Publication: 1979
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.