aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wade ki jo saat dam-e-kushtan hai hamara

Momin Khan Momin

wade ki jo saat dam-e-kushtan hai hamara

Momin Khan Momin

MORE BYMomin Khan Momin

    vaade jo saa.at dam-e-kushtan hai hamārā

    jo dost hamārā hai so dushman hai hamārā

    ye kāh-e-rubā se bhī haiñ kam ai kashish-e-dil

    mazkūr kuchh aisā pas-e-chilman hai hamārā

    afsos mū-e-sham-e-shab-e-vasl mānind

    jo qahqaha shādī hai so shevan hai hamārā

    mahtāb kyā rañg kiyā dūd-e-fuġhāñ ne

    ahvāl shab-e-tār se raushan hai hamārā

    detā nahīñ us zof pe bhī josh-e-junūñ chain

    har reg-e-ravāñ dasht meñ tausan hai hamārā

    tafrīh na kyūñkar ho havā aa nahīñ saktī

    goyā dar o dīvār nasheman hai hamārā

    gar paas hai logoñ to aa ki qalaq se

    hai laash kahīñ aur kahīñ madfan hai hamārā

    jazb-e-dil use khīñch ke laa.e to kahāñ laa.e

    jo ġhair ghar hai vahī maskan hai hamārā

    but-ḳhāne se kaabe ko chale rashk ke maare

    'momin' ḳhizr-e-rāh barhaman hai hamārā

    wade ki jo saat dam-e-kushtan hai hamara

    jo dost hamara hai so dushman hai hamara

    ye kah-e-ruba se bhi hain kam ai kashish-e-dil

    mazkur kuchh aisa pas-e-chilman hai hamara

    afsos mu-e-sham-e-shab-e-wasl ki manind

    jo qahqaha shadi hai so shewan hai hamara

    mahtab ka kya rang kiya dud-e-fughan ne

    ahwal shab-e-tar se raushan hai hamara

    deta nahin us zof pe bhi josh-e-junun chain

    har reg-e-rawan dasht mein tausan hai hamara

    tafrih na kyunkar ho hawa aa nahin sakti

    goya dar o diwar nasheman hai hamara

    gar pas hai logon ka to aa ja ki qalaq se

    hai lash kahin aur kahin madfan hai hamara

    jazb-e-dil use khinch ke lae to kahan lae

    jo ghair ka ghar hai wahi maskan hai hamara

    but-KHane se kabe ko chale rashk ke mare

    'momin' KHizr-e-rah barhaman hai hamara

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now