waiz butan-e-dair se nafrat na kijiye

vaa.iz butān-e-dair se nafrat na kījiye

kaj-bahsī-e-majāz-o-haqīqat na kījiye

uThiye na aap bazm se ġhusse meñ is qadar

jaatā huuñ maiñ huzūr qayāmat na kījiye

yaad aa hī jaatā hai kabhī nāseh kā qaul bhī

sab kījiye jahāñ meñ mohabbat na kījiye

bedād aur us pe ye tākīd al-hazar

aa jaa.e dam laboñ pe shikāyat na kījiye

zindoñ meñ ab shumār nahīñ hazrat-e-'azīz'

kahte the aap se ki mohabbat na kījiye

waiz butan-e-dair se nafrat na kijiye

kaj-bahsi-e-majaz-o-haqiqat na kijiye

uThiye na aap bazm se ghusse mein is qadar

jata hun main huzur qayamat na kijiye

yaad aa hi jata hai kabhi naseh ka qaul bhi

sab kijiye jahan mein mohabbat na kijiye

bedad aur us pe ye takid al-hazar

aa jae dam labon pe shikayat na kijiye

zindon mein ab shumar nahin hazrat-e-'aziz'

kahte the aap se ki mohabbat na kijiye