wahi dilon ko shikast karna wahi sawal-o-jawab karna

vahī diloñ ko shikast karnā vahī savāl-o-javāb karnā

kahāñ se sīkhā hai tū ne nāseh qadam qadam ehtisāb karnā

vo apne motī baras baras kar na is tarah rā.egāñ karegī

kabhī na us chashm-e-nīlgūñ se umiid misl-e-sahāb karnā

jahāñ bhī mil jaa.e dekh lenā vahī hai jān-e-vafā kī sūrat

vahī nigāheñ jhukā.e rakhnā hayā se chehra gulāb karnā

bahār-e-ḳhūn-e-jigar pilā kar jinhoñne tujh ko shabāb baḳhshā

ye kyā ġhazab hai ki fasl-e-gul meñ unhīñ ko ḳhāna-ḳharāb karnā

ye farz sauñpā hai bāġhbānoñ ko raat sayyād ne chaman ke

ki loriyāñ de ke kal anādil ko aur bhī mahv-e-ḳhvāb karnā

kabhī ye sochā bhī mere yaaro ki is meñ āḳhir hai fā.eda kyā

jo chand lamhe haiñ zindagī ke unhīñ ko nazr-e-azāb karnā

kisī tarah bhī na aane paa.e koī jhalak shā.irī meñ 'az.har'

har ik ġhazal ḳhvāh apne dil meñ usī ke naam intisāb karnā

wahi dilon ko shikast karna wahi sawal-o-jawab karna

kahan se sikha hai tu ne naseh qadam qadam ehtisab karna

wo apne moti baras baras kar na is tarah raegan karegi

kabhi na us chashm-e-nilgun se umid misl-e-sahab karna

jahan bhi mil jae dekh lena wahi hai jaan-e-wafa ki surat

wahi nigahen jhukae rakhna haya se chehra gulab karna

bahaar-e-KHun-e-jigar pila kar jinhonne tujh ko shabab baKHsha

ye kya ghazab hai ki fasl-e-gul mein unhin ko KHana-KHarab karna

ye farz saunpa hai baghbanon ko raat sayyaad ne chaman ke

ki loriyan de ke kal anadil ko aur bhi mahw-e-KHwab karna

kabhi ye socha bhi mere yaro ki is mein aaKHir hai faeda kya

jo chand lamhe hain zindagi ke unhin ko nazr-e-azab karna

kisi tarah bhi na aane pae koi jhalak shairi mein 'azhar'

har ek ghazal KHwah apne dil mein usi ke nam intisab karna